هما دول المساطيل ولا بلاش!!!!

مذيع وقف واحد مسطول وقعد يسأله علي شوية مصطلحات والمسطول يرد عليه: تعالوا نشوف قالوا إيه
1_عملية السلام:
عملية سهلة كدة ذي عملية اللوز
2_غسيل الأموال:
عملية بتضايق الواحد اوي لما يقلع الهدوم ويكون ناسي المحفظة فيها
3_الحضارة:
ايوة يا باشا مش دي اللي بنخشها واحنا اطفال___مش دي اللي فيها kg ‎1
و kg2
4_الجمهورية:
ايوة مش دة الجرنان ابو 75 قرش او باين بجنيه ؟
5_البيئة:
مش دي استغفر الله شتيمة للناس اللي ساكنين في حته علي أد حالها _
6_المصريين:
لا سهله اوي دي يابيه_مش دي جبنة تلاجة_
7_جامعة الدول العربية:
مش دي يا باشا جامعة خاصة ما بتخدش مجموع كبير_
8_رمسيس التاني:
يا بيه اي ميكروباص من ع الناصية هنا يوديك الحته اللي عاوزها في رمسيس_
9_شهادة الايزو:
مش دي يابيه اللي بتاخدها لما تاخد بكالوريوس من جامعة الدول العربية !
10_صندوق النقد:
مش ده ذي صندوق الزباله _يووه يادي النيلة يا بيه !
11_العمل بالسياسة:
مش ده لما تشتغل سايس يا باشا _
12_سلام عادل وشامل :
طب عادل وعرفناه مين شامل دة يا بيه ؟
13_الإرهاب:
نوع من السلطات بتتقدم مع الكباب _
14_الشريط الحدودي:
ايوة ايوة عارفه ده شريط عمر دياب الجديد_
15_عصر المعلومات:
مش ده العصر اللي بتاخد فيه اللي انت عاوزه لما تدفع المعلوم_
16_الخصخصة:
مش دي بتاعة شم النسيم اللي بتتاكل مع الفسيخ
17_الاهرامات:
لأ سهله اوي دي ياباشا مش دول الأربعة اللي شبه الجبنة النستو وبالإمارة جنبهم تمثال ابو عزة اللي منه قطه ومنه راجل مش كدة
18_بيوت الثقافه:
لأ بأه دي بيوت الناس الأكابر الله يسهلهم
19_قناة الجزيرة:
لأ دي فرع من قناة السويس
20_العولمة:
عملية فنية محترمة تحت إدارة فيفي عبده وسهير زكي
21_الشفافية:
اهه دي اهم خاصية للهدوم المستخدمة في العولمة
22_المرشح:
بص يا باشا دي الحاجة اللي بتبوظ في الحمام ونجبلها السباك
23_التزوير:
تاخد الحته بتاعتك وتزورها في هوا وكويس كدة
23_عملية التصويت:
دي اللي بيعملها الستات لما حد يموتلهم
24_عملية التعمير:
دي لما نغير حجر الشيشه في الغرزة
25_حرية النشر:
دي بقي بيعملوها الستات علي حبال الغسيل فوق السطوح
26_العمل الثوري:
مذكر العمل البقري
27_احمد زويل:
صنع في مصر تقفيل بلاد برة
28_التربية:
دي ياباشا زمان كانت مسؤلية وزارة التعليم دلوقتي مسؤلية تجار المواشي
29_القانون:
دي آلة موسيقية بتطلع اصوات حلوة اوي_سمعتها قبل كدة يابيه؟
30_دستور:
اللهم احفظنا يابيه لما يبقي في بيت مسكون اهله بيقولوا دستور للأسياد
31_العراقة:
اللي بيلبسها بتاع التنس عشان ينشف عرقه
32_الاصالة:
دي يا باشا مراة طارق العريان وبلاش نجيب سيرة الناس عشان عيب يا بيه
33_الانتيكة:
يا علي التفاهه_دي اللي بتمسح بيها لما تكتب بالرصاص يا باشا
34_القلعة:
لأ دي يا بيه بنقولها علي اي حد لابس من غير هدوم واحيانا علي بتوع العولمة_